Platfòm rezo sosyal Bluesky gen plizyè milyon itilizatè ki al abòne ak li apre itilizatè sa yo te kouri kite rezo sosyal X apre viktwa Donald Trump nan eleksyon prezidansyèl yo. Abòne sa yo te kite platfòm X akoz atachman mèt platfòm nan Elon Musk ak prezidan eli Ameriken an.
Nan semèn ki pase a, gen anviwon 2.5 milyon nouvo itilizatè ki enskri nan Bluesky.
Ki jan Bluesky fonksyone?
Bluesky se yon platfòm medya sosyal ki gen anpil resanblans ak X, ke tout moun te konnen kòm Twitter.
X te gen anpil chanjman ki fèt ladann apre bilyonè Musk te achte platfòm nan. Youn nan chanjman yo se nouvo pwogram “verifikasyon” ak Abònman.
Gen anpil resanblans ant 2 platfòm yo, Tankou prezantasyon plafòm nan, fòm tèks yo ak logo Bluesky la.
Malgre sanble gen gwo diferans ant 2 platfòm yo tou, tankou nan sa ki gen pou wè ak moderasyon kote Bluesky deja itilize yon sistèm modération ki otomatik, epi itilazatè yo gen opsyon pou chwazi ki kalite kontni yo vle wè sou pwofil yo.
Anpil moun ap poze kesyon pou konen kiyès ki kache dèyè platfòm sila, e pou ki sa gen tout resanblans sa yo ak Twitter.
Jack Dorsey Kofondatè ak ansyen PDG Twitter
Ebyen, respons lan se, Bluesky se yon pwojè ki te kòmanse nan lane 2019, youn nan manm konsèy administrasyon li se te, Jack Dorsey, Ko-fondatè e PDG Twitter nan menm epòk la. Kounye a, se Jay Graber ki PDG Bluesky.
Gen plizyè selebrite, jounal ak politisyen ki deja kòmanse itilize platfòm nan. Pami yo nou ka site : Depite Alexandria Ocasio-Cortez ke tout moun konnen sou non AOC, Sipèsta Star Trek la, George Takei, epi Jounal New York Times.
Kèk nann Enfòmasyon ki nan Atik sa Sòt nan Reuters