Donald Trump tounen Washington antanke gayan eleksyon prezidansyèl Etazini an.
Misye vizite Lamezonblanch Mèkredi, epi rankontre Prezidan Demokrat Joe Biden nan Biwo Oval la. Trump pran angajman vizavi yon tranzisyon pouvwa alèz.
Rankont la dewoule nan moman prezidan-eli Repibliken an ap pase a l aksyon rapidman pou konstwi nouvo administrasyon li an.
"Felisitasyon Donald", Biden te di nan moman li tap akeyi Trump epi bay misye lanmen nan Biwo Oval la. Li te ajoute ke lap kontan wè yon tranzisyon pouvwa ki fèt alèz.
Trump pwomèt yon tranzisyon san pwoblèm tou epi eksprime remèsiman li pou envitasyon Biden nan.
Se yon envitasyon Trump limenm pat bay Biden apre li te pèdi eleksyon prezidansyèl 2020 an devan misye.