Responsab sekirite peyi Oksidantal yo sispèk Larisi dèyè yon konplo pou mete koli pyeje nan avyon kago ki pral an Amerik di Nò - pami yo gen youn ki pran dife nan baz DHL nan peyi Almay, ak yon lòt ki pran dife nan yon depo nan peyi Angletè.
Polòy di li arete 4 moun li sispèk lye ak yon operasyon ransèyman etranje ki te komèt sabotaj la e lap chache 2 lòt moun.
Minis Jistis Lityani di gen plizyè moun yo arete nan divès peyi. Li pa presize konbyen.
Responsab oksidantal yo di yo remake yon ogmantasyon nan zak sabotaj Larisi lanse kont alye Ikrèn yo.
Plizyè responsab di yo kwè atak la se travay ransèyman militè Larisi.
Moskou demanti li gen anyen pou wè ak zak sa yo.