NEW YORK (AP) — Steve Bannon, alye Donald Trump depi lontan, te libere nan prizon apre li te fin pran yon santans kat mwa poutèt li te refize prezante l nan kad ankèt Kongrè a sou atak Kapitòl Etazini an 6 janvye 2021.
Bannon te kite Enstitisyon Koreksyonèl Federal la nan Danbury, Connecticut, nan Madi maten. Pita li te rekòmanse podkas li a, li di li konsantre pou ede Trump ranpòte prezidans lan.
Yon jiri te kondane Bannon an 2022 paske li te boude yon depozisyon l devan Komite Lachanm 6 janvye a epi li te refize bay dokiman ki gen rapò ak patisipasyon li nan efò Trump te fè pou ranvèse defèt li an 2020 devan Prezidan Joe Biden.