Plizyè sèvis konpayi Digicel, tankou Mon Cash, entènet ak apèl entènasyonal yo tonbe an pàn
Se direktè konpayi a Jean Philippe Brun ki anonse pàn sa, dapre li sa rive akoz yon kab fib obtik ki koupe nan zòn Akayè.
Digicel la deklare sou X (ansyen non Twitter) "Digicel sibi 2 koupi sou kap fib li, ayeryen e souteren, nan zòn Akayè" .
Direktè a ajoute "koupi sa yo afekte tout sèvis entènasyonal nou yo tankou entènèt, Moncash ak apèl entènasyonal"
Sepandan mesye bay asirans teknisyen yo gentan mobilize pou fè reparasyon ki nesesè yo.
"Ekip nou yo mobilize, pou fè reparasyon pi rapid ke posib" Brun ekri sou X.
N ap raple, nouvo pàn sa rive anviwon 1 mwa (14 septanm 2024) apre yon gwo pàn entènèt ki te afekte tout kliyan Digicel yo plis pase yon semèn.