Nan okazyon 30è anivèsè pwogram wout moun yo te itilize nan esklavaj, delegasyon pèmanan Ayiti nan UNESCO anonse espas Bwa Kayiman an enskri nan rezo mondyal UNESCO e se premye sit Ayisyen ki antre nan rezo mondyal sa a.
Nan yon kominike li pibliye ayè mèkredi 9 oktòb la, delegasyon an raple Bwa Kayiman "Senbolize gwo batay pou kaba lesklavaj epi rann Ayiti endepandan"
Pi lwen Delegasyon souliye Bwa Kayiman se yon "Senbòl inivèsèl rezistans ak emansipasyon".
Enskripyon l nan rezo mondyal UNESCO ranfòse wòl kòm kanalisatè pou dyalòg sou istwa lesklavaj.
Nan dat 14 Dawout 1791, esklav nan koloni Sendomeng te òganize yon gwo seremoni vodou nan Bwa Kayiman pou bwase lide sou dwa moun e sou "kaba esklavaj".
Anviwon yon mwa apre seremoni an, esklav yo revòlte epi rele chal bare dèyè tout blan kolon.