Palmantè Ameriken yo ap kouri prese prese pran mezi pou asire Sèvis Sekrè Etazini an gen ase lajan ak resous pou pwoteje kandida prezidansyèl yo nan moman menas vyolans yo ogmante.
Li poko klè sepandan, si yo ka fè gran choz kèk semèn sèlman anvan dewoulman eleksyon yo, ni si plis lajan pral fè yon diferans tou suit.
Nouvèl sa a tonbe kèk jou apre otorite Florid te arete yon nèg ak zam ki te kanpe bò kote teren gòlf ansyen Prezidan Donald Trump. Vandredi, Chanm Depite a apwouve ak yon gwo maj yon pwojè lwa ki mande pou ajans la sèvi ak menm standa yo lè yap deziye ajan pou pwoteje prensipal kandida prezidansyèl yo. Yo mande pou yo itilize menm standa ak sa ki egziste pou prezidan ak vis prezidan.
Ajans la di Kongrè a li deja ogmante sekirite Trump, men palmantè Lacham yo te vle mete direktiv sa a nan yon lwa.