New York Times rapòte ke Hunter Biden ki gen 54 an te reponn "koupab," ak lis akizasyon la jistis gen kont li yo.
Ansyen avoka ak biznisman sa a, te sitou fè fas ak yon akizasyon evazyon taks ak 2 akizasyon fo deklarasyon paske li pa te peye $1.4 milyon enpo sou dènye deseni an.
Jij la fikse santans li pou 16 desanm pwochen. Hunter Biden ap fè fas ak posibilite pou l ta pase jiska 17 ane prizon.
Menm anvan jijman an te kòmanse Jedi maten nan Los Angeles, avoka l 'Abbe Lowell te di jij la ke li te pare pou plede koupab, men li te itilize yon metòd espesifik nan lwa Ameriken ki pèmèt li aksepte ke yo te kondane l pandan l ap pwoklame li inosan.
Avoka gouvènman an, sepandan te refize kite akize a itilize metòd sa, yo epi di pito ke jijman an fèt.
Nan ka sa , Hunter Biden te enfòme avoka li yo ke finalman li te dakò pou senpleman pa itilize metòd sila e li ap plede koupab, san yon akò ak pwokirè a pou pa jwenn yon rediksyon nan santans li, men konsa evite yon nouvo jijman ki taka anbarasan.