PORT-AU-PRINCE, Ayiti (AP) — Plizyè milye jèn ayisyen ap pran chans pou yo vin sòlda apre lame Dayiti deside fè plis rekritman pou ogmante kantite manm li, nan moman vyolans gaye toupatou nan zonn Potoprens la.
Aktivite vyolans gang yo vin kreye opòtinite travay ke jèn yo pa jwenn fasil ann Ayiti kote travay difisil pou jwenn.
Pou evite posibilite pou yo sibi zak kidnaping, maspinay oswa asasinay anba men gang yo, anpil jèn ann Ayiti reponn apèl gouvènman an k ap chèche retabli fòs militè a ki te demobilize e ki rekanpe sou pye li depi kèk lane avèk objektif pou batay kont gang yo.
Gouvènman Ayisyen a pa di konbyen moun ki aplike pou yo vin sòlda, men dokiman ki soti nan Ministè Defans montre ke yo chwazi omwen 3,000 moun nan mwa Daout la epi responsab yo mande yo soumèt dokiman pèsonèl yo pandan y ap tann yon pakèt tès.