Etazini ak 4 peyi alye antann yo ak Larisi sou pi gwo echanj prizonye ki fèt depi fen Lagè Fwad la.
Boukantay la gen ladann 16 moun, pami yo - jounalis Ameriken Evan Gershkovich, dapre sa Lamezonblanch fè konnen Jedi.
Your browser doesn’t support HTML5
Larisi Boukante Prizyone ak Plizyè Peyi Loksidan
Administrasyon Biden nan negosye antant konplike a ak Larisi epi plizyè lòt peyi, kote yo mete yo dakò pou voye 8 prizonye yo kenbe nan l Oksidan tounen Larisi - pami yo gen Vadim Krasikov ki tap pije yon santans avi poutet li te touye yon disidan d orijin Tchechènn ak Jojyen nan vil Berlin.
Negosyasyon yo dewoule an sekrè pandan plis pase yon lane. Li reprezante yon kokenn chenn akonplisman pou pati konsène yo, e administrasyon Biden nan va prezante li tankou yon gwo akonplisman politik etranje, nan moman kous prezidansyèl la ap franchi dènye mwa li yo.