Prezidan Kenya a, William Ruto, akize Lendi 15 jiyè a Fondasyon Ford ki baze Ozetazini kòmkwa li ankouraje "anachi", kidonk dezòd, e finanse manifestasyon kont gouvènman an ki te souke peyi a mwa pase.
Kenya tonbe nan yon dezòd politik depi plizyè jèn manifestan te kòmanse fè rasanbleman kont yon pwopozisyon lwa sou ogmantasyon taks, e manifestawsyon yo te vin tounen yon kanpay pi laj kont M Ruto ak administrasyon li an.
Plizyè douzèn moun te pèdi lavi depi manifestasyon yo te kòmanse.
Joukote plis moun mouri a menm se 25 Jen, lè yon foul moun ki te move kou kong te anvayi palman peyi a epi lapolis te tire bal reyèl sou manifestan yo.
Mesye Ruto di Lendi nan yon diskou nan vil Nakuru, "Moun ki patwone dezòd nan Repiblik Kenya, yo te dwe wont paske yo ap patwone vyolans kont nasyon demokratik nou an."
"Mwen vle mande moun nan Fondasyon Ford, lajan sa a ke yo bay pou sipòte vyolans la, ki sa yo pral benefisye nan sa?"