Ansyen prezidan sosyalis François Hollande retounen nan politik, kote li pase nan eleksyon dimanch pou li retounen depite pou Corrèze nan sid-wès Lafrans, anba banyè alyans goch Nouvo Fwon Popilè a, apre eleksyon lejislatif ki sot dewoule an Frans.
7 ane apre li te kite Elysée a apre Emmanuel Macron te eli prezidan, ansyen chèf leta a (2012-2017), ki gen 69 lane, soti venkè (ak 43% vwa pandan responsab eleksyon yo pako fin konte bilten yo). Se yon kous ant 3 kandida, kote li bat byen lwen kandida ekstrèm dwat la ak kandida dwat konsèvatè a.
Li te fini premye nan premye tou a ak 37.6% vwa.