Prezidan Ikrenyen Vladimir Zelensky byen akeyi Vandredi ouvèti negosyasyon ki pwal kòmanse fèt lòt semèn sou kesyon pou Ikrèn antre nan Inyon Ewopeyen an.
Aktivite sa ki pral fèt la pral lanse ofisyèlman pwosesis pou entegre Kyèv nan Inyon Ewopeyen an.
Zelenskyy di sou rezo sosyal X : "Nou paka tann sa ki pwal fèt nan semèn ki ap vini an nan dat 25 jen, lè gouvènman Ikrèn ak gouvènman Inyon Ewopeyen an pral koumanse fè chita pale, kidonk pwosesis negosyasyon an pwal tanmen tout bon", e li akeyi sa kòm realizasyon yon "rèv Ewopeyen".