Depite yo te sanksyone minis la paske li te refize kolabore ak yo nan yon ankèt yap mennen kont prezidan Demokrat la.
Plizyè depite depi kèk semèn ap mande pou minis jitis la ba yo anrejistreman odyo temwayaj Prezidan Biden te fè an devan yon pwokirè espesyal. Minis li a refize ba yo odyo a. Sepandan, Garland te deja remèt ba yo transkri entèvyou a.
Depozisyon Biden nan te fèt nan kad yon ka ki gen pou wè ak dokiman klasifye ke yo te jwenn nan kay prive li.
Nan rapò li a, pwosekitè espesyal la te rekòmande pou yo pa pran okenn aksyon legal kont prezidan ameriken an , men li te fè kòmantè kontwovèsyal sou memwa prezidan an ke li te sigjere pa twò kòdyòm.
FILE PHOTO: U.S. President Biden visits France
Nan mitan yon ane elektoral, kan Demokrat la te denonse kòmantè "sa ke pwokirè espesyal la te fè " yo akize deklasyon li fè a gen "motivasyon politik dèyèl", men opozan Repibliken yo imedyatman eksplwate rapò a pou yo konsidere ke Joe Biden pa t "enganm" pou egzèse fonksyon li yo kòm prezidan.
Depi lè sa a, 2 komite nan La Chanm Repibliken yo kontwole yo te mande pou yo ba yo anrejistreman odyo yo, pa sèlman "transkri a".
Mesye Garland pa okipe demann depite yo.
Sanksyon yo te pran kont Merrick Garland nan Jedi, kote yo akize misye de "tantativ pou anpeche yon ankèt Kongrè a".