7 sòlda pèdi lavi yo madi a anba men enkoni nan Pak Nasyonal Pendjari, nan nò Benen, ki se pwen santral vyolans kote dwèt lonje sou Jihadis yo nan peyi a, dapre sa Ajans France Presse (AFP) aprann nan kèk sous sekirite.
Yon dirijan lame a enfòme AFP Mèkredi sou lanmò "7 manm fòs lame yo nan Benen".
Yon lòt sous sekirite konfime enfòmasyon an, men tou sou kondisyon pou non li pa site.
Yo pa t bay detay imedyatman sou jan atak la te fèt.
Rejyon fwontyè ant Benen ak Burkina Faso, ki gen Park National Pendjari, se la atak nan Benen yo konsantre.
Atak yo ogmante depi kèk ane e otorite yo akize konbatan jihadis ki nan gwoup Eta Islamik la (IS) ak Al-Qaeda, ki soti nan peyi vwazen yo kote afè yo byen mache.
Nan mwa Me pase, lame Benen an te anonse ke li touye 8 jihadist nan nò a.
Fwontyè ak Nijè a tou vin bay enkyetid, antwòt depi lame a te ranvèse Prezidan Nijè, Mohamed Bazoum, an Jiyè 2023.