Pwosè kriminèl nan New York kont Donald Trump, premye pwosè konsa kont yon prezidan Etazini, ap mache vit pou li fini, kote yon avoka li endike ayè lendi a ke Trump pa pwal nan kare temwen an pou defann tèt li.
Pati akizasyon an fini ak depozisyon li nan 6èm semenn pwosè a apre jiri 12 manm nan fin pase plizyè èdtan ap tande temwen ki pi enpòtan li, an palan avoka ki te konn repare erè Trump, ki se Michael Cohen.
Cohen rekonèt pandan 4 jou temwayaj ke li te konn bay manti youn apre lòt e ke li te vòlè 60.000 dola nan lajan konpayi lavant bitasyon Trump la.
Cohen akize Trump tou nan antant ki nan sant akizasyon kont ansyen prezidan an – 130.000 dola ke li te peye Cohen pou achte silans vedèt fim porno Stormy Daniels yon ti tan anvan eleksyon 2016 la.
Yon ti tan apre Cohen te fin temwaye, defans Trump te rele Robert Costello, yon avoka New York, pou li bay temwayaj sou koze kòmkwa moun paka mete konfyans nan deklarasyon Cohen.