Plis pase 800 lidè ki ap dirije aksyon kont min, ki ap patisipe nan yon konferans ke l-ONU patwone nan Jenèv an Swis semèn sa a lanse avètisman sou danje ki ekziste akoz min nan tè ki pa eksploze nan peyi ki gen konfli.
Konferans la santre antwòt sou lagè Gaza a, ki, dapre Sèvis Aksyon Nasyon Zini sou Min, ki gen ti non UNMAS, « lakoz min fè kontaminasyon nan nivo ke moun pa te janm wè anvan.”
Se travay ajans l-ONU an nan Gaza depi plis pase yon dizèn lane, sèvis li ap bay pou redui menas eksplozif pou sivil, ki pèmèt livrezon èd imanitè fèt san danje nan teritwa a, pa ekzanp pèmèt evakyasyon ti bebe nan lopital, dapre Charles Mungo Birch, ki se chef pwogram aksyon UNMAS nan teritwa palestinyen yo.