WASHINGTON —
Prezidan Chanm Depite Etazini Mike Johnson deklare lap voye dokiman miz an akizasyon Alejandro Mayorkas la bay Sena a Madi.
Sa pral fòse senatè yo pou yo oganize yon pwosè pou diskite sou akizasyon kòm kwa Sekretè Sekirite Nasyonal la "volontèman e sistematikman" derefize mete an aplikasyon lwa imigrasyon yo. Sepandan pwosè ka pa dire lontan.
Tandiske Sena a gen obligasyon pou l konvoke yon pwosè dapre règleman mis an akizasyon yo, Demokrat yo pral pwobableman voye jete akizasyon yo anvan yo menm prezante agiman yo.
Majorite Demokrat yo di jefo Repibliken yo lanse a pa konfòm ak standa "krim ak deli grav" Konstitisyon Etazini etabli pou miz an akizasyon yon responsab.