Lame Izrayèl touye ak kout zam 2 Palestinyen bonè jodi vandredi a toupre vil Tubas nan Sisjòdani, dapre sa kèk sous medya palestinyen ak izraelyen rapòte.
Nouvèl ki parèt nan laprès di yon mesye pèdi lavi lè solda israelyen te ouvè kout zam sou machin li nan Tubas. Yon lòt Palestinyen tonbe anba bal Izraelyen pandan yon atak militè sou kan refijye al-Far’a, osid Tubas.
Lame Izrayèl la pa pale touswit sou nouvèl sa yo.
Dènye vyolans la te fèt apre anons ayè jedi a kote lame a te di gen “nouvo mezi ak mezi amelyore” pou fè èd imanitè antre nan Gaza, antwòt konstriksyon yon nouvo pasaj atè nan nò Gaza.
Yon lòt kote, Etazini di ayè jedi a li mete restriksyon sou anplwayen li ann Izrael ak fanmi-yo pou yo pa vwayaje andeyò zonn Tel Aviv, Jerizalèm ak Be’er Sheva akoz menas Iran ki di li ap tire revanj sou Izrael pou frap aeryen ki te fèt Premye Avril sou anbasad li nan Damas.