DAMAS, Siri (AP) — Minis afè etranjè Iran an akize Etazini nan atak Izrayèl te fè sou konsila li nan Siri.
Minis lan deklare ke Etazini te bay Izrayèl "limyè vèt" pou atak ki te fèt sou bilding konsila li nan peyi Siri kote 7 dirijan militè Iranyen, pami yo 2 jeneral, te pèdi lavi.
Hossein Amirabdollahian repete pwomès Teheran pou li reponn atak la, kote anpil moun lonje dwèt sou Izrayèl, atak ki sanble moutre ke Izrayèl ap ogmante atak militè sou otorite ki soti Iran, peyi ki sipòte gwoup militan ki ap goumen ak Izrayèl nan Gaza, ak sou fwontyè li ak Liban.
Atak la touye Jeneral Mohammad Reza Zahedi, yon ansyen ofisye militè nan Fòs Quds yo ki nan Gad Revolisyonè Iranyen an, e atak sila ogmante laperèz ke lagè a ka gaye nan rès rejyon Mwayen Oryan an.
Administrasyon Biden nan ensiste ke li pa te gen okenn konesans davans sou atak aeryen an.