Jistis

Peyi Afrik ak Karayib Ap Mande Kreyasyon yon Tribinal Pou Zak Atwosite ki te Fèt Nan Epòk Komès Esklav

  • Serge Michel

AFRICA-SLAVERY/USA

Sipò ap moute nan nasyon yo ann Afrik ak nan Karayib la pou kreyasyon yon tribinal entènasyonal sou zak atwosite ki te fèt depi epòk komès esklav ki te konn travèse Oseyan Atlantik la, e Etazini apiye yon panel nan l-ONU ki nan mitan efò sa a.

Yon tribinal ki fèt sou modèl sila ki te fè pwosè Nuremberg la kote yo te jije kriminèl lagè NAZI yo apre 2èm Gè Mondyal la, se sa gwoup la te pwoppoze ane pase. Sipò a pran fòs kounyea nan moman gen yon gwo mouvman reparasyon pou esklavaj, dapre sa ajans nouvèl Reuters revele, e ki baze sou entèvyou ke li fè ak dè douzèn moun.

Fowòm Pèmanan l-ONU pou Desandan Afriken te rekòmande lide sa a ofisyèlman nan mwa Jen ane pase. Lide a se pou gen yon tribinal espesyal ke kèk òganizasyon rejyonal afriken ak karayib pwal etidye pi plis, dapre Eric Phillips, youn nan vis-prezidan komisyon reparasyon pou esklavaj nan CARICOM, ki gen 15 peyi manm.

Yo pako detèmine ki mezi domèn ke tribinal la pwal kouvri, men Fowòm l-ONU an rekòmande yon rapò preliminè ki dwe abòde kesyon reparasyon pou esklavaj, aparted, jenosid, kidonk destriksyon popilasyon, ak kolonizasyon.