BALTIMORE (AP) — Efò sekou yo rekòmanse jodi Mèkredi 27 Mas la pou jwenn kò 6 travayè konstriksyon ki sanble mouri apre yon bato kago te frape pon Francis Scott Key Bridge nan Baltimore.
6 moun ki disparèt yo, sekouris kwè ke yo mouri. Bato a te pèdi fonksyon gouvènay li e te frape poto pon an nan zonn 1:30 a.m.
Madi a, moun te ka tande vwa premye sekouris yo kote yo t ap batay pou bloke trafik yon ti bout tan anvan aksidan an.
Pon an se yon koneksyon enpòtan nan enfrastrikti transpò rejyon an, e tonbe li a pwal lakoz anpil trafik pou moun ki
pwal nan travay yo e deranje yon pò ki enpòtan anpil pou ekonomi peyi a.