Vis-prezidan Etazini Kamala Harris deklare administrasyon Biden nan pa gen entansyon entèdi Tik Tok, an palan app popilè pou video kout la, ki se pwopriyete konpayi chinwa ByteDance.
Harris te di sou pwogram This Week sou chèn televizyon ABC dimanch la ke “bu konvèsasyon sa a se pa ditou entèdi Tik Tok.”
Mezon Blanch te ekzòte Sena a, semenn pase a, pou li fè vanse vit yon pwojè-lwa pou fòse ByteDance vann Tik Tok akoz enkyetid pou vi prive Ameriken ak sekirite nasyonal, e si lavant sa a pa fèt, gouvèman an ka entèdi tik Tok.
Otorite ak palmantè ameriken pè pou gouvènman chinwa a pa gen aksè nan enfòmasyon sou moun ki sèvi nan platfòm nan, ki ta ka sèvi tou pou yon plan Peken.
Pwojè-lwa a pase nan Chanm Depite a 13 Mas pase ak yon kokenn majorite. LaChin pa dakò ditou pou yo fòse ByteDance vann Tik Tok.