Prezidan Etazini Joe Biden sanble li ta vle pran distans li ak Premye-minis Izraelyen Benjamin Netanyahu, ki li menm sèmante ke presyon entènasyonal pa pwal fè Izrayèl pa akonpli sa li rele “viktwa total” nan lagè li kont Hamas.
Mezantant la fè pawòl ap pale kòmkwa Etazini ka mete restriksyon sou zam ameriken ki pwal jwenn Izrael, sitou si Netanyahu kontinye vanse ak objektif li ki se “fini travay la” kont Hamas nan Rafah, kote plis pase yon milyon Palestinyen ki kouri kite kay yo al pran refij.
Si Washington ta mete kondisyon sou èd militè a, se ta pi gwo zouti li kont jan Netanyahu ap mennen gè a, ki touye plis pase 31.000 Palestinyen, dapre ministè sante Gaza a.