Inyon Ewòp la apwouve jodi mèkredi a pou li aplike yon seri sanksyon kont LaRisi kòm repons pou lagè li a ki ap kontinye nan Ikrèn
Pami sanksyon yo gen anviwon 200 moun ak gwoup ki anba entèdiksyon pou yo pa fè biznis ak konpayi nan Inyon an ni vwayaje nan peyi ki manm blok la.
Anplis de konpayi ris, sanksyo yo vize konpayi chinwa ki founi LaRisi teknoloji militè.
Lame Ikrèn nan di jodi mèkredi a LaRisi atake Ikrèn pandan lannwit yè swa a ak 19 dronn e ak divès misil.
Avyasyon militè Ikrèn di defans anti-aeryen li desann 13 sou 19 dronn yo, ak 6 misil. Li di li bloke dronn yo sou rejyon Kharkiv, Dnipropetrovsk, Zaporizhzhia ak Donetsk.