Yon responsab nan Ministè Sante mouvman Islamis Palestinyen an te di AFP "Doktè Mohammed Abou Salmiya te jwenn arestasyon n , e yo te arete tou 2 enfimyè ak yon lòt doktè ".
Doktè a "transfere pou l reponn kesyon" sèvis ransèyman lame Izrayèl .
Lame Eta Ebre a presize , "Anba administrasyon l, lopital la te tounen bastion anpil aktivite teworis gwoup Hamas la . Ankèt la pral detèmine "si li pral sibi plis entèwogasyon toujou".
Jiska dènyèman la a, Izrayèl te prezante Al-Chifa kòm sant kòmand prensipal operasyon Hamas nan Gaza, yon akizasyon mouvman islamis palestinyen an demanti.
Pandan plizyè jou, sòlda yo fouye pyès-pa-pyès gwo sant ospitalye sa a nan Gaza.
Lame a te di li te gen "prèv" al-Chifa se yon "sant" nan operasyon Hamas yo.
Yo fè konnnen tinèl yo jwenn anba lopital la t ap itilize elektrisite ki alimante dirèkteman lopital la.
Otorite militè Izrayelyèn yo te finbi pou di jedi a, "Anplis de sa, Hamas te estoke anpil zam andedan lopital la".