Dapre jounal Alman Siegener Zeitung, Annette Kurschus nan ane 1990 yo te enfòme li sou akizasyon yo te fè kont yon ansyen kòlèg men li pa te pran okenn aksyon kont kòlèg li a.
Otorite lapolis kounyea lanse yon ankèt kont sispèk. Kounyea li pa kle nan ki nivo ankèt la ye.
Madam Kurschus, ki gen 60 an, demanti ke li te o kouran de atak yo, men li deside remèt demisyon li "pou anpeche Legliz li vin pa sal", se sa li te di nan yon konferans pou laprès nan Bielefeld.
Li te di ke li te chèche pwoteje fanmi sispèk la, men li te jwenn anpil kritik "pou yon mank transparans nan dosye a".
"Li pi anmè kou fièl paske mwen pa janm - e mwen ensiste sou pwen sa a - chache evade responsablite mwen, kache reyalite enpòtan, kache reyalite oswa menm kache yon akize", li te deklare.
Pandan ke Legliz Katolik Alman an an boulvès pandan plizyè ane akòz akizasyon atak seksyèl ki ap fèt andan legliz, on lòt kote legliz Pwotestan pat telman jwenn akizasyon sa yo.
Yon etid ke Konferans Evèk Alman an te komisyone nan ane 2018 te konkli ke 1,670 klèje Katolik nan peyi a te komèt yon fason ou lòt yon fòm de zak agresyon seksyèl sou 3,677 minè ant ane 1946 ak 2014.
Sepandan, kantite aktyèl viktim yo ta pi wo.