Ozetazini, Prezidan Barack Obama fè yon diskou kote li anonse yon nouvo patnèchip mondyal pou ranfòse sekirite alimantè; paske, daprè li, Lèzetazini genyen yon obligasyon moral pou l pran tèt lit kont grangou ak malnitrisyon. Misye Obama fè anons sa a vandredi 18 me 2012 la e li di nouvo patnèchip la pral egziste ant gouvènman yo, peyi donatè yo ak sektè prive a. Avèk diskou sa a, lidè ameriken an lanse yon seri chita-tande wo nivo ant lidè peyi G-8 yo (yon gwoup ki gen ladan n Lèzetazini, Kanada, La Gand Bretay, Lafrans, Lalmay, Itali, Japon ak Larisi). Dirijan peyi sa yo ap reyini samdi pou rankont anyèl yo a, kap dewoule nan Camp David tou prè Washington.
Yon jou apre, dimanch, Prezidan Obama pral nan tèt yon rankont peyi-manm Oganizasyon Trete Atlantik Nò-a (LOTAN) ki pral deoule nan vil Chicago, nan Eta Ilinwa. Dènye fwa Lèzetauzni te sèvi kòm peyi-Oganizatè yon somè l’OTAN sete nan lane 1999 --swa 2 zan anvan rezo al-Kayda-a te lanse atak teworis-li yo sou New York, Washington ak Pennsilvani, atak ki oblije alyans atlantik-la utilize pou la prèmye fwa disposiyon ki nan Chat li-a e ki fè eta-manm yo obligasyon pou yo prezante yon defans komunn kont yon lennmi komen.
Nan somè Chicago a, premye rankont Prezidan Obama pral genyen, se avek lidè peyi Afganistan-an, Amid Karzai. Nan kòmansman mwa sa-a, nan yon vizit supriz e tou kout lidè ameriken-an te fè nan Kaboul, li te pran lapawòl pou l mete yon mesaj devan pèp ameriken-an e devan lemond aprè li te fin siyen yon akò estratejik avék gouvènman afgan an. Prezidan Obama di –nap site:
«Twoup entènasyonal yo pral kontinye ofri antrènman, fòmasyon, sèvi kòm konseye, asiste militè afgan yo nan travay yo, epi batay bò kote yo lè sa nesesè. Sepandan, nou pral chanje wòl nou pou n tounen yon fòs-dapui, pandan lame Afganistan an ap fè pwogrè. »
Bò kote pa l, konseye La Mezon Blanch pou kesyon sekirite nasyonal-la, Tom Donilon, fè konnen lidè kap patisipe nan somè l’OTAN an pral fikse atansyon yo sou keyon pou konnen kijan pou alyans la kontinye ede Afganstan e ki efektif militè Alyans Atlantik la pral kite nan peyi a. Misye Donilon deklare :
«Nou reyalize bon jan pwogrè nan efò pou n pataje tach la, pataje fado a, e kontinye apiye fòs sekirite Afgan yo. Sepandan, nou fè sa yon fason pou Lèzetazini pa genyen pou l pote tout chaj la sou do l. »
Misye Donilon kontinye pou l di li konsidere l’OTAN kòm yon alyans solid pou Lèzetazini ; e, daprè li, youn nan pi gwo priyorite estratejik Prezidan Obama, se ranfòse baz Òganizasyon Trete Atlantik Nò a.
Yon jou apre, dimanch, Prezidan Obama pral nan tèt yon rankont peyi-manm Oganizasyon Trete Atlantik Nò-a (LOTAN) ki pral deoule nan vil Chicago, nan Eta Ilinwa. Dènye fwa Lèzetauzni te sèvi kòm peyi-Oganizatè yon somè l’OTAN sete nan lane 1999 --swa 2 zan anvan rezo al-Kayda-a te lanse atak teworis-li yo sou New York, Washington ak Pennsilvani, atak ki oblije alyans atlantik-la utilize pou la prèmye fwa disposiyon ki nan Chat li-a e ki fè eta-manm yo obligasyon pou yo prezante yon defans komunn kont yon lennmi komen.
Nan somè Chicago a, premye rankont Prezidan Obama pral genyen, se avek lidè peyi Afganistan-an, Amid Karzai. Nan kòmansman mwa sa-a, nan yon vizit supriz e tou kout lidè ameriken-an te fè nan Kaboul, li te pran lapawòl pou l mete yon mesaj devan pèp ameriken-an e devan lemond aprè li te fin siyen yon akò estratejik avék gouvènman afgan an. Prezidan Obama di –nap site:
«Twoup entènasyonal yo pral kontinye ofri antrènman, fòmasyon, sèvi kòm konseye, asiste militè afgan yo nan travay yo, epi batay bò kote yo lè sa nesesè. Sepandan, nou pral chanje wòl nou pou n tounen yon fòs-dapui, pandan lame Afganistan an ap fè pwogrè. »
Bò kote pa l, konseye La Mezon Blanch pou kesyon sekirite nasyonal-la, Tom Donilon, fè konnen lidè kap patisipe nan somè l’OTAN an pral fikse atansyon yo sou keyon pou konnen kijan pou alyans la kontinye ede Afganstan e ki efektif militè Alyans Atlantik la pral kite nan peyi a. Misye Donilon deklare :
«Nou reyalize bon jan pwogrè nan efò pou n pataje tach la, pataje fado a, e kontinye apiye fòs sekirite Afgan yo. Sepandan, nou fè sa yon fason pou Lèzetazini pa genyen pou l pote tout chaj la sou do l. »
Misye Donilon kontinye pou l di li konsidere l’OTAN kòm yon alyans solid pou Lèzetazini ; e, daprè li, youn nan pi gwo priyorite estratejik Prezidan Obama, se ranfòse baz Òganizasyon Trete Atlantik Nò a.