Lame Ikrèn nan di jedi defans anti-aeryen li detwi 25 sou 33 dronn ke LaRisi te lanse pou atake rejyon Sumy ak Odesa, pandan lannwit yè swa a.
Oleh Kiper, ki se gouvènè rejyon Odesa, di atak ris la frape zonn Izmail pou yon 4èm fwa nan 5 jou, kote yon moun blese.
Kiper di atak la donmaje enfrastrikti pò yo ak yon bilding administratif.
Yon lòt kote, Ministè Defans LaRisi di li detwi 2 dronn Ikrèn sou rejyon Rostov, ak youn nan Bryansk ak yon lòt toupre Moskou.
Majistra Moskou Sergei Sobyanin di sou Telegram ke debri yon dronn ateri nan distri Ramensky men ke li pa lakoz okenn dega ni fè okenn viktim.