Ministè Defans la di atak nan zòn Moskou a enplike 2 dronn e ke pa gen rapò sou okenn dega ki ta fèt.
Majistra Moskou, Sergei Sobyanin, di sou Telegram ke LaRisi desann yon dronn nan zòn Krasnogorsk ki bay sou pati nòdwès Moskou e lòt la nan zonn Chasty, alwès vil la.
Ajans nouvè Reuters di gen ti dega ki fèt nan yon bilding rezidansyèl nan Krasnagorsk e ke debri ki tonbe te donmaje kèk oto atè a.
Ministè Defans LaRisi di 2 dronn Ikrèn ke fòs li yo te bwouye pou desann yo sou Bryansk te tonbe san fè okenn viktim.
LaRisi di tou djèt Sukhoi li te detwi yon bato ki t ap fè rekonesans nan zonn kote gen enstalasyon pwodiksyon gaz natirèl ris nan Lanmè Nwa a.
Pap Francois ki gen 86 lane ekzòte Prezidan Ikrèn Volodymyr Zelenskyy pou li chache yon rezolisyon pasifik pou kriz la ak LaRisi. Pap la te pale konsa lè li te resevwa Jeneral ameriken Mark Milley, ki se chef deta majò lame Etazini, ki te nan Vatikan lendi.