Otorite yo nan Repiblik Dominikèn di sa taka pran plizye mwa pou idantifye tou le 28 viktim ki mouri nan yon eksplozyon puisan tou pre kapital la, Santo Domingo semèn sa a.
Anons la fèt nan moman zanmi ak fanmi ap eseye konfime si wi ou non yo gen moun yo ki mouri nan eksplozyon ki rive Lendi nan vil San Cristobal. Vil sa a sitye a lwès Santo Domingo.
Gen 59 moun ki blese. Majorite nan yo toujou ospitalize.
Santo Jimenez, direktè enstitu medsin legal la, deklare pandan yon konferans pou laprès Jedi, ke se sèlman 7 pami kadav yo jwenn yo ke yo remèt bay fanmi yo.