Larisi

Yon Fize Ris Voye nan Lespas Antre nan Òbit Lalin Nan

  • Serge Michel

In this handout picture taken and released by the Russian Space Agency Roscosmos on August 11, 2023, a Soyuz 2.1b rocket with the Luna-25 lander blasts off from the launch pad at the Vostochny cosmodrome, some 180 km north of Blagoveschensk, in the Amur r

Yon fize ke LaRisi voye nan lespas antre nan òbit lalin mèkredi, ki se yon gran pa pou peyi a reyalize anbisyon li pou li vini premye peyi ki ateri nan pol sid Lalin nan pou chache dlo ki tounen glas.

Luna 25 antre nan òbit Lalin a 11:57 nan maten nan lè Moskou oubyen 4:57 nan maten, lè Washington, dapre enfòmasyon ki soti nan sosyete espasyal LaRisi Roskosmos.

Luna 25 pwal fè wonn Lalin, ki se sèl satelit natirèl pou Latè, pandan apeprè 5 jou, e apre sa chanje wout pou ateri dous sou pol sid Lalin nan, nan dat ke yo planifye pou fè sa, ki se 21 Daout.

Okenn aparèy espasyal ris pa te antre nan òbit Lalin depi Luna-24, misyon Inyon Sovyetik nan Lalin an 1976 la, dapre Anatoly Zak, ki se kreyatè ak responsab piblikasyon RussianSpaceWeb.com ki swiv tout pwogram espasyal LaRisi.

Luna-25 ki gwosè yon ti oto, pwal opere sou pol sid la pandan yon lane, kote NASA ak lòt ajans espasyal te detekte sa ki ka tras dlo ki tounen glas nan kèk bafon.

Peyi End voye Chandrayaan-3 nan lespas, ki antre nan òbit Lalin mwa sa a e li planifye pou fè li ateri sou pol sid Lalin, pita nan mwa a