Etazini kondane atak Larisi kontinye ap fè sou enfrastrikti sereyal nan Ikrèn, se sa Depatman Deta di Mèkredi 16 Out nan yon deklarasyon, e li mande pou Moskou retounen imedyatman nan akò sereyal la.
Pòtpawòl adjwen Depatman Deta, Vedant Patel, te pale ak jounalis mèkredi apre Ikrèn te rapòte ke LaRisi atake anvan sa nan jounen an kèk depo sereyal pandan lannwit la. Li di ke sekirite alimantè mondyal se pa pwoblèm prezidan Ris Vladimir Putin.
Ikrèn di ke malgre LaRisi atake depo sereyal li,
yon bato kontenè te kite pò Lanmè Nwa a nan Odesa mèkredi malgre menas Moskou pou li vize ekspedisyon danre yo apre li te abandone yon akò ekspòtasyon.
Otorite Ikrenyen yo di ke frap aeryen nan lannwit yo domaje tank sereyal ak lòt depo manje nan Reni ki arebò Flèv Danube, kote gen yon wout ki enpòtan anpil nan tan lagè pou ekspòtasyon manje.