Etazini deklare madi 15 out la Larisi ta vyole rezolisyon Nasyonzini si l ta siyen yon akò zam ak Koredinò.
Deklarasyon sa a fèt apre Pyongyang ak Moscou te pale pou yo ogmante koperasyon ant 2 peyi yo.
Pòtpawòl Depatman Deta Ameriken Vedant Patel pale pou di tout fòm koperasyon sekirite oubyen akò sou zam ant Koredinò ak Larisi ap vyole yon seri rezolisyon Konsèy Sekirite Nasyonini.
Nan yon mesaj Prezidan ris Vladimir Putin voye bay lidè nò koreyen an li pale de plis koperasyon ak Pyongyang, pandan lidè Kore di Nò a souliyen nesesite pou kowoperasyon estratejik ak taktik ant 2 peyi yo kontinye devlope nan domèn sekirite ak defans.