Avoka yo ki ap defann Hunter Biden ap pouse pou yo kenbe yon pati nan antant ke yo te jwenn ak komisè gouvènman ki tounen avoka espesyal la, nan moman kote nouvo fonksyon an oblije li mennen plis ankèt sou pitit gason prezidan an anvan eleksyon 2024 la.
Yon avoka Hunter Biden deklare nan tribunal dimanch swa ke dokiman ki epaye li yon akizasyon pou zam ilegal, li rete an plas, malgre antant sou vyolasyon ki gen rapò ak taks la, li preske fin tonbe depi lè prevni an te prezante nan tribunal, mwa pase a.
Avoka li di ke Depatman Jistis deside fè bak sou antant ke li te fè pou mete fen nan akizasyon taks yo. Akò sou akizasyon zam nan gen kèk atik tou ki ba li pwoteksyon devan lajistis federal pou kèk lòt vyolasyon.
Istwa Hunter Biden nan kesyon pran dwòg ak tranzaksyon lajan li yo, se bagaj ke karyè politik papa li ap trennen dèyè li, e Repibliken yo ap pouswiv pwòp ankèt pa yo sou chak aspè nan tranzaksyon biznis Hunter Biden yo, e ladan yo peman lajan li te resevwa nan peyi etranje.