Majò-kolonèl Amadou Abdramane, nan yon nòt pou laprès ke l li sou televizyon nasyonal deklare popilasyon an nan Nijè "ap soufri anba gwo sanksyon ilegal, iniman ak imilyan ke CEDEAO pran yo, ki rive jis nan anpeche pèp la jwenn “medikaman, manje ak elektrisite".
Sòlda rebel yo nan Nijè di ke yo pral pouswiv devan lajistis ansyen Prezidan Mohamed Bazoum pou "gwo trayizon" ak aksyon ki minen sekirite leta, desizyon ke yo pran kèk èdtan apre yo te di ke yo ouvè pou dyalòge ak alyans nasyon Afrik Lwès yo pou rezoud kriz ki ap moute nan rejyon an.
Pòtpawòl Majò-Kolonèl Amadou Abdramane, anonse sou televizyon leta dimanch swa, ke rejim militè a "ranmase prèv ki nesesè pou pouswiv devan otorite nasyonal ak entènasyonal prezidan dechouke a ak konplis lokal ak etranje li yo pou gwo trayizon, ak poutèt li minen sekirite andan ak deyò Nijè."