Avoka Depatman Depatman Jistis Etazini an yo mande jedi dat 2 Janvye pou koumanse pwosè kriminèl kont ansyen Prezidan Donald Trump anba akizasyon ke li ta mare konplo ilegal pou ranvèse defèt li nan eleksyon 2020 an devan Demokrat Joe Biden.
Biwo avoka espesyal Jack Smith depoze papye devan Jij Distri Federal Etazini Tanya Chutkan nan Washington, kote Smith ki se prensipal pwokirè nan pwosè a, di li espere ke sa "p ap pran plis pase 6 semèn" pou prezante prèv ke tribunal la gen kont Trump, e ke chwa jiri a ap fèt anvan sa an Desanm.
Yon orè konsa ka fòse Trump pase jou lasemèn li yo nan tribinal nan koumansman ane 2024 la nan moman pwal gen premye eleksyon primè yo pou nonmen kandida prezidansyèl Repibliken an, tankou caucus pati a yo ki pwal dewoule 15 Janvye nan eta Iowa nan Sant Lwès Etazini.
Sondaj nasyonal yo moutre ke Trump byen lwen devan tout lòt kandida yo nan kous pou eleksyon Novanm 2024 la, kote li pwal fè fas ankò ak Biden.