Villavicencio ki te gen 59 an ki te adopte pozisyon santris, se te youn pami 8 kandida ki ta pral nan premye tou eleksyon prezidansyèl la ki pwograme pou 20 Out.
Dapre dènye sondaj yo, Fernando Villavicencio klase an dezyèm pozisyon nan sondaj yo ak anviwon 13%, dèyè avoka Luisa Gonzalez, ki se pwòch ansyen prezidan zèl goch Rafael Correa.
Prezidan Lasso ekri sou X : "Mwen santi m imilye ak choke devan asasinay kandida prezidansyèl Fernando Villavicencio. Mwen asire w ke krim sa a p ap rete san pinisyon," se pwomès sila prezidan an fè.
Lasso te konvoke yon reyinyon ak plizyè wo plase nan sekirite menm sware a.
Nan dènye ane yo, Ekwatè konfwonte ak yon vag vyolans ki asosye ak trafik dwòg ki, nan epòk eleksyon an, deja mennen nan lanmò yon majistra ak yon kandida pou Palman an.
Prezidan Konsèy Elektoral Nasyonal la (CNE), Diana Atamaint fè konnen tou Mèkredi plizyè manm konsyèy la ki responsab pou sipèvize eleksyon an resevwa menas lanmò.