Fòs avyasyon militè franse fè 2 ekzèsis aeryen nan Japon, premye ekzèsis konsa ant 2 alye yo. Men menm lè Pari ap chache bati alyans militè li nan rejyon Endo-Pasifik la, LaFrans bloke pwopozisyon pou ouvri yon biwo lyezon l-OTAN nan kapital Japon an Tokyo.
4 jou ekzèsis sa yo antre nan kad yon pi gran ekzèsis, ki gen non teknik Pegase 2023, ki pwal dewoule nan tout rejyon Endo-Pasifik la nan semèn ki ap vini yo, e ladann gen zile teritwa franse yo.
"Li natirèl ke LaFrans, yon nasyon nan Endo-Pasifik-la, gen enkyetid devan tansyon jeo-politik nan rejyon an akoz konpetisyon ant grann pwisans yo," se jeneral Stephane Mille, ki se chef pèsonèl Avyasyon Millitè ak Fòs Espayal franse, ki te pale konsa ak jounalis nan yon konferans pou laprès 28 Jiyè a nan prefekti japonè Saitama.