WARSAW, Polòy (AP) — 5 peyi Inyon Ewopeyen an pral pwolonje entèdiksyon sou sereyal ki ap soti Ikrèn, pou yo pwoteje enterè kiltivatè yo.
Minis agrikilti peyi Polòy, Slovaki, Ongri, Bilgari ak Woumani di Mèkredi ke manje ka toujou travèse peyi pa yo pou ale nan lòt pati nan mond lan ki nan bezwen pandan Larisi sispann akò ki te pèmèt anbakman sereyal yo nan Lanmè Nwa.
Minis yo di ke sereyal Ikrenyen te mennen deja nan yon rediksyon pri sereyal pou kiltivatè lakay yo, e ke yo pa vle wè sa rive ankò.
Yo mande Inyon Ewopeyen an pou li fè deba sou pwoblèm sa a nan semèn ki ap vini an, pou travay sou yon sistèm ki ap pèmèt sereyal Ikrenyen ale nan lòt pati nan mond lan ki gen pwoblèm manje, men san yo pa kraze agrikilti nan peyi ke yo ap travèse yo.