Prezidan Israel Isaac Herzog gen pou l pale devan Kongrè Etazini an, kote li pwal chante lwanj pou relasyon ant Etazini ak Israel, e kote li pwal “make 75 lane depi peyi Israel ekziste”.
Diskou sa a vini pandan gen enkyetid akoz Premye-Minis Benjamin Netanyahu ki vle refòme sistèm tribinal nan Israel epi laji koloni pèpleman jwif nan teritwa palestinyen ke Israel okipe yo.
Chanm Depite Etazini an pase yon rezolisyon madi a ki re-afime sipò pou Israel. Rezolisyon an vini kòm repons pou Depite Demokrat Pramila Jayapal ki te kalifye Israel kòm yon eta rasis anvan li te ekspllike pita ke li kwè ke gouvènman Netanyahua “angaje nan politik klèman rasis.”
Plizyè palmantè Demokrat di yo pwal bòykote diskou Herzog la, pami yo Depite Rashida Tlaib, sèl Palestinyen-Ameriken ki nan Kongrè a.