LAS VEGAS (AP) — Otorite nan Nevada di yo te sèvi yon manda nan kad yon rechèch ki gen koneksyon avèk asasinay rapè ameriken Tupac Shakur nan mwa Septanm 1996.
Otorite yo konfime rechèch la Madi, sa ki retounen atansyon sou dosye atis la prèske 30 ane apre yon moun ki t ap pase nan machin te tire Shakur nan Las Vegas. Li te gen 25 an lè sa te rive.
Lapolis nan Las Vegas di rechèch la te fèt Lendi nan vil Henderson ki toupre a. Li pa klè ki sa yo t ap chèche ak ki kote yo t ap chèche.
Lapolis Las Vegas pa di tou si yo idantifye yon sispèk.
Pa te janm gen okenn arestasyon ki fèt.