Enflasyon nan Etazini desann pou rive nan 3 pousan pou ane a nan mwa Jen pase, dapre chif ki soti nan Depatman Travay mèkredi, yon siy ki moutre ke efò Rezèv Federal la pou kontwole pri pwodui yo ki t ap moute disèt wotè, bay bon rezilta.
Rapò a jwenn yon pi gwo bès ke sa ekspè yo te atann ant mwa Me ak Jen. Enflasyon pou ane a te pèdi 1 pousan, soti nan 4 pousan pou rive nan 3 pousan sa gen yon mwa, e desann byen ba apre 9 pousan ki t ap bay konsomatè yo anpil pwoblèm nan sezon eta pase a la a.
Dirijan federal ki ap bati politik yo ta vle enflasyon an desann nan 2 pousan, kidonk gen travay ki rete toujou. Men analis yo wè rapò mèkredi a kòm bon nouvèl.