Otorite nan Ikrèn di madi fòs ris atake kapital la Kyèv ak pò Odesa nan sid la ak dronn ke Iran fabrike.
Lame Ikrèn nan di li desann 26 dronn ke LaRisi te lanse.
Otorite nan rejyon Kyèv la di debri dronn ke yo te desann yo tonbe sou plizyè bilding kote moun rete e donmaje yo.
Nan Odesa, gouvènè rejyonal Oleg Kiper di 2 dronn frape yon bilding administrasyon nan pò a, pandan debri dronn mete dife nan yon tèminal pou ekspòtasyon danre toupre a ak yon lòt tèminal.
Odesa se yon pò kle pou pwojè ekspòtasyon Sereyal sou Lanmè Nwa a, dapre yon akò ke Nasyon Zini ak Tiki te jwenn ki te pèmèt danre sa yo soti nan pò Ikrèn yo ke LaRisi bloke depi envazyon li a nan Ikrèn.