LA PLATA, Ajantin (AP) — Yon Achevèk Ajantin Pap Franswa te chwazi pou dirije biwo Vatikan ki asire ke legliz la obsève doktrin katolik la kòmsadwa rekonèt li te fè erè nan fason li te jere an 2019 dosye yon pè ki te anba akizasyon pou abi seksyèl sou minè.
Dosye 2019 la te fè anpil pale anpil kote yo te kritike Achevèk Victor Manuel Fernández kòmkwa li te eseye pwoteje pè a, yon akizasyon ke li demanti semèn ki sot pase a.
Men, li te plis kritike tèt li Dimanch nan yon entèvyou li te bay ajans nouvèl Associated Press.
Li di ke kèk nan fo pa li te fè yo se paske fòmil ke legliz la fikse pou fè fas ak akizasyon ki sou do chef relijye yo pa te klè ase nan moman an.
Fernández di ke li te dwe "trete viktim yo ak plis atansyon" epi ke li te dwe aji pi bonè pou retire Lorenzo kòm pè nan legliz.
Achevèk la di "li klè ke jan mwen te aji a se pa te meyè fason an."