Politik

Imigrasyon: Nouvo Règleman Biden nan Pèmèt Migran Mande Azil sou Fwontyè a

  • Serge Michel

Haitian asylum seekers set up camp in an abandoned gas station while they wait to attempt to cross into the U.S. by an appointment through the Customs and Border Protection app at a makeshift camp, in Matamoros, Mexico, June 21, 2023.

Lwa Tit 42 ke Prezidan Trump te mete nan politik pou fè fas ak vag migran, te pèmèt gad fwontyè pimpe migran tounen Meksik san yo pa jwenn chans pou mande azil.

Nouvo regleman Biden nan pèmèt migran mande azil sou fwontyè a men tann nan Meksik pou yon plas sou app CBP One nan oubyen riske pou otorite imigrasyon akselere depòtasyon yo pandan yo anba kòd.

Men nan premye mwa Nouvo politik la, ajans nouvèl Reuters te pale ak plis pase 50 migran, otorite ameriken ak meksiken, e jwenn ke dè milye moun ap tann nan bouk sou fwontyè-yo pou yo jwenn yon plas nan app la, e kèk gwoup imanitè avèti ke kondisyon sanitè yo ap vin pi mal.

Yo jwenn tou yon gwo rediksyon nan kantite moun ki ap pase ak siksè entèvyou imigrasyon yo, ki se 46 pousan, konpare ak 83 pousan soti nan ane 2014 pou rive an 2019, dapre chif ke gouvènman an bay nan tribinal.

Migran plis tan nan anba kòd sou fwontyè a, dapre Reuters, e yo depòte 50-mil moun konsa, dapre papye ki nan tribinal.

E migran ki pa pase pa app CBP One nan gen pou reponn kesyon ki pi difisil si yo te pase nan yon lòt peyi e pa te mande azil ladann, yon politik ki la depi sou Trump e ke tribinal te bloke. E migran ki jwenn depòtasyon apre entèvyou, yo p ap ka antre Etazinni pou 5 lane.