WASHINGTON (AP) — Otorite nan kapital Etazini an di ke yo arete yon nonm ki te gen materyèl eksplozif ak zam e ke yo te ap cheche pou krim ki gen rapò ak atak sou Kapitòl la nan dat 6 janvye 2021 an, e yo arete li nan katye Washington kote ansyen Prezidan Barack Obama abite.
Otorite yo te wè prevni an, Taylor Taranto ki gen 37 an, toupre kay ansyen prezidan an, dapre ajan sèvis sekrè ameriken yo.
Yo pa t gen otorizasyon pou yo pale piblikman sou yon ka ki pwal sou kont lajistis, konsa yo te pale ak ajans nouvèl Associated Press sou kondisyon pou non yo pa site.
Dapre otorite yo, Taranto te fè menas sou medya sosyal kont plizyè pèsonalite piblik.