Yon eksplozyon gaz ki fèt nan yon restoran babekyou nan Ningxia nan peyi lachin koze lanmò 31 moun, dapre sa medya leta yo rapòte.
Se fwit nan yon tank gaz nan restoran an ki te lakoz eksplozyon sa nan Yinchuan, kapital eta Ningxia, dapre sa ajans nouvèl ofisyèl Xinhua rapòte Jedi 22 jen.
Videyo ajans nouvèl Reuters montre lafimen ak flanm dife k ap monte nan restoran an pandan ponpye yo t ap travay pou etenn dife a.
Omwen 7 moun te nan tretman pou boule ak blesi ke yo resevwa lè moso vit te frape yo.
Prezidan Chinwa Xi Jinping di otorite yo pou yo fè tout efò pou trete blese yo, e li te di fòk gen plis kontwòl pou sekirite nan endistri ak sektè kle yo.