Tout inivèsite ke eta Texas finanse pwal oblije fèmen biwo ki okipe divèsite ant ras yo pou fè yo tout melanje antre yo, sa se dapre yon lwa ke Gouvènè Texas Greg Abbot siyen.
Yon patwon lwa a nan Sena eta Texas kalifye li kòm pi gwo entèdiksyon kont biwo divèsite yo nan nivo edikasyon siperyè nan peyi a. Lwa a vini pandan anpil moun ap tann pou Tribinal Siprèm Etazini an deside, mwa sa a, entèdi inivèsite yo konsidere ras kòm yon eleman pou admèt yo.
Dapre lwa Texas la, ke Abbott siyen mèkredi a, nenpòt inivèsite leta ki pa sètifye pou aplike mezi sa a, p ap gen dwa depanse lajan leta ki la pou finanse aplikasyon li.
Lwa a ekzije tou pou otorite yo nan eta a, chak 2 zan jouk rive nan ane 2029, fè etid pou evalye efè li sou etidyan yo selon ras yo. Etid yo pwal gade pousantaj aplikasyon etidyan ki enskri pou antre nan inivèsite yo, pousantaj ke yo admèt, etidyan ki rete jis yo gradye, ak ki mwayèn. Lwa