BHUBANESWAR, End (AP) — Yon aksidan tren touye omwen 275 moun nan peyi End, youn nan aksidan ki fè plis san koule nan peyi a depi plis pase dè dizè lane.
Fanmi viktim yo anvayi yon lopital nan lès vil Bhubaneswar pou yo kapab idantifye ak kolekte kadav yo.
Jouk kounye a otorite yo idantifye sèlman 45 kadav epi remèt fanmi yo 33 nan yo, dapre sa Mayur Sooryavanshi, ki se yon responsab nan lopital Institi Syans Medikal All-India nan Bhubaneswar di Lendi.
Envestigatè yo di ke se kapab yon pwoblèm kote siyal pa te fonksyone ki ta lakoz aksidan sila kote 3 tren fè kolizyon Vandredi nan eta Odisha nan lès peyi a.
Responsab sèvis tren yo rekòmande pou gen yon ankèt kriminèl federal.
Gen kèk tren ki rekòmanse travay sou ray kote aksidan an te fèt la apre travayè te retire debri tren ki kraze yo.